ЦХИНВАЛ, 2 сен - Sputnik. Хететы Орнелла рамбылдта бронзӕйон майдан Мадриды уагъд цӕуӕг Европӕйы чемпионаты боксӕй, хъусын кӕны Цӕгат Ирыстоны спорты министрады пресс-службӕ.
Хететы Орнелла схызт кады пьедесталы ӕртыккаг къӕпхӕнмӕ 64 килограмм уӕзы категорийы.
Ӕрдӕгфиналы ирон спортсменкӕ фембылд йӕ ныхмӕлӕууӕгӕн Италийӕ Франческа Амагайӕн.
Хететы Орнелла архайы боксерон клуб "ДОССАФ"-ы.
Спортсменкӕйы тренертӕ сты Елойты Алан, Тадтаты Уырызмӕг ӕмӕ Батыр.