ЦХИНВАЛ, 16 сен — Sputnik. Хуссар Ирыстоны спортивон комплекс "Олимп"-ы хуыцаубоны ацыд турнир ленк кӕнынӕй, кӕцы уыд нывонд Републикӕйы бонӕн, фехъусын кодта Sputnik Хуссар Ирыстоны ленк кӕныны федерацийы сӕргълӕууӕг Евгения Терлеева.
Уӕгъдибар стилы дистанциты хайад райстой 170 ленкгӕнӕджы "Олимп" ӕмӕ "Дельфин"-ӕй.
"Турниры уӕлахиздзаутӕ хицӕн ӕзты кары къордты ссисты Тедеты Сабина, Даниил Игнатов, Тедеты Ирма, Зӕгъойты Артур, Гуыбаты Мария,Хетӕгкаты Инал, Уалыты Даяна, Уалыты Александр, Мулдарты Валерия, Быценты Арсен, Тыджыты Диана ӕмӕ Тасойты Арсен", - банысан кодта Терлеева.
Тренер бафтыдта, зӕгъгӕ, ерысты организатортӕ уыдысты Спорты галуан "Олимп" ӕмӕ Хуссар Ирыстоны ленк кӕныны федераци.