ЦХИНВАЛ, 7 окт – Sputnik, Плиты Фатимæ. Хуссар Иры Дзауы районы тæрккъæвда фæласта фæндæгтæ. Ӕрдзон бæллæх аскъуыдта фæндаг Сохтæ æмæ Мугуты хъæутæм, фехъусын кодта Sputnik районы пресс-службæйы кусæг Тедеты Лиана.
Хуыцаубоны изæры аст сахатмæ æввахс Хуссар Иры хицæн бынæтты уыд тæрккъæвдатæ, тыхдымгæ æмæ их.
"Дзауы районы цæрæн пунктты их нæ уыд, фæлæ тæрккъæвда фæласта фæндæгтæ Сохтæ æмæ Мугуты хъæутæм, афтæ ма Хъемултайы рдæм фæндæгтæ", - загъта Тедеты Лиана.
Уæ зæрдыл уын лæууын кæнæм, Хуссар Иры Цхинвалы æмæ Знауыры районты фондз хъæуы кæй уыд стыр ихуард, æрдзон бæллæх зиан æрхаста Гром, Бихъар, Арцеу, Хъорнис æмæ Бехъмары хъæуты фæзззыгон тыллæгæн.