Sputnik, Алексей Стефанов
Хуссар Ирыстоны кад Хъырымы Ӕхсӕнадӕмон конкурс "Наши герои"-йы финалы хъахъхъӕндзӕн Цхинвалы фӕндзӕм скъолайы ахуыргӕнинаг Джиоты Тимур.
"Зындгонд концерт-реквием Цхинвалы 2008 азы у цау, кӕцыйӕн нӕй аналогтӕ дунейы историйы. Йӕ нысаниуӕг ын гӕнӕн ис абарын тохы фӕуӕлахизимӕ. Ревиемы тыхӕй Гергиты Валерий ныхмӕ фӕлӕууыд ӕнӕраст тыхтӕм, кӕцытӕ мӕнг информаци дӕттой Хуссар Ирыстоны августы хӕсты цауты тыххӕй", - ныффыста Тимур йӕ куысты.
Уый банысан кодта, йӕ концертӕй Гергиты Валерий кӕй "батыдтой" Цхинвалы информацион блокадӕ.
"Ныфс мӕ ис, музыкӕ кӕй ивы дуне, адӕймаг, кӕцы хъусы Чайковскийы симфонимӕ, нӕ райдайдзӕн ӕхсын. Уый тыххӕй Гергиты Валерий бакодта йӕ концерт раныхасӕй уырыссаг ӕмӕ ӕппӕт дунейӕн та англисаг ӕвзагыл, ӕмӕ ракодта сценӕмӕ Хуссар Ирыстоны сывӕллӕтты, кӕцытӕ бавзӕрстой ацы трагикон цаутӕ", - ныффыста Джиоты Тимур.
Ацы куыстимӕ Джиоты Тимур ацӕудзӕн Хъырыммӕ, цы ран 4 ноябры зындгонд сывӕллӕтты лагерь "Артек"-ы ацӕудзӕн конкурс "Наши герои"-йы финал.