ЦХИНВАЛ, 9 окт – Sputnik. Ирыстойнаг спортсмен Хуыбецты Алан ссис ӕхсӕнадӕмон турнир "Большой шлем"-ы бронзӕйон майданы хицау дзюдойӕ, хъусын кӕны Цӕгат Ирыстоны спорты министрады пресс-службӕ.
Хуыбецты Алан схызт кады пьедесталы ӕртыккаг къӕпхӕнмӕ 81 килограмм уӕзы категорийы.
Ерыстӕ, кӕцытӕ ӕрӕмбырд кодтой 350 дзюдоисты 60 бӕстӕйӕ, ацыдысты Бразилийы.
Ирон богалы тренертӕ сты Беккуызарты Алик ӕмӕ Цӕгъӕраты Хъазбег.
Амӕйразмӕ Цӕгат Ирыстоны командӕ дзюдойӕ рамбылдта 22 хорзӕхы горӕт Грозныйы (Цӕцӕн), цы ран уагъд цыд Турпала-Али Кадыровы мысӕнӕн IX Ӕхсӕнадӕмон турнир дзюдойӕ.