ЦХИНВАЛ, 17 окт — Sputnik. Сланты Виталийы хъомылгӕнинаг Тыджыты Георгий рамбылдта Цӕгат Кавказы чемпионы титул боксӕй Краснодары уагъд цӕуӕг турниры "Гладиатор-4", хъусын кӕны 15-ӕм Регион.
Астраундон тохы Тыджыты Георгий рамбылдта йӕ ныхмӕлӕууӕджы Новороссийскӕй Вараздат Черниковы.
Уӕлахиздзау куыд банысан кодта, афтӕмӕй тох хуымӕтӕг нӕ рауад, йӕ ныхмӕлӕууӕгӕн уыд ӕнахуыр техникӕ.
"Мӕ хӕслӕвӕрд уыд бакӕнын тох фӕстаг раундтӕм, уым банхъӕлмӕ кӕсын йӕ рӕдыдмӕ ӕмӕ йӕ нокауты арвитын. Афтӕ рауад ӕхсӕзӕм раунды", - загъта боксер.
Тыджыты Георгий у ХПӔ ӕмӕ славяйнаг бӕстӕты чемпион Ӕхсӕнадӕмон журнал "Про Бокс"-ы версимӕ гӕсгӕ.