ЦХИНВАЛ, 21 окт - Sputnik. Хуссар Ирыстоны ӕфсӕддон бастдзинады кусджытӕ тагъд рӕстӕджы райсдзысты ныры сӕрмагонд фӕрӕзтӕ ӕмӕ техникӕ, уый фӕдыл уыдон рахиздзысты ног ӕмвӕзадмӕ, фехъусын кодта республикӕйы хъахъхъӕнынады министр Гассеты Ибрагим.
Хъахъхъӕнынадон уагдоны пресс-службӕйы хистӕр Чехойты Инга куыд хъусын кӕны, афтӕмӕй министр схорзӕхджын кодта бастдзинады кусджыты сӕ профессионалон бӕрӕгбоны цытӕн, кӕцы ӕрвылаз нысан кӕнынц 20 октябры. Ацы аз датӕ у юбилейон – 100 азы сӕххӕст Советон Цӕдисы Гарзджын тыхты бастдзинӕдты ӕфсӕдтыл.
"Хъӕуы смодернизаци кӕнын дӕлхайады архайд. Тагъд рӕстӕджы сымах райсдзыстут ныры сӕрмагонд фӕрӕзтӕ ӕмӕ техникӕ – уый фӕдыл уӕ службӕ рахиздзӕн бӕрзонддӕр ӕмвӕзадмӕ", - загъта Гассеты Ибрагим.
Афтӕ ма бастдзинады кусджытӕн раарфӕ кодтой республикӕйы ӕндӕр тыхон структурӕтӕ ӕмӕ уӕрӕсейаг 4-ӕм ӕфсӕддон базӕйы минӕвӕрттӕ.
Хуссар Иры связистты схорзӕхджын кодтой се ʻнусон юбилейы цытӕн
© Пресс-служба МО РЮО