ЦХИНВАЛ, 31 окт — Sputnik, Плиты Фатимӕ. Цхинвалы армспорты секцийы хъомылгæнинаг Уæрæсейы æмбырдгонды сконды рамбылдта дунейы фыццагад рахиз къухæй, уый рамбылдта йæ фыццаг "сызгъæрин" ацы æмвæзады ерысты, фехъусын кодта Sputnik спортсменты тренер Джиоты Валерий.
Ивгъуыд аз Хæбæлаты Арсены дунейон ерысты уыд дыккаг.
"70 кг уæзы æвзæнгты ʻхсæн хæцыд 20 дунейы тыхджындæр армрестлеры. Арсен ныббырста 10 спортсмены, финалы та рамбылдта уæрæсейаг командæйы уæнг Магомед Эльдаровы. Галиу къухæй тохты лæппу райста травмæ, уымæ гæсгæ рахауд майдантыл тохæй", - загъта Джиоты Валерий.
Бон раздæр ма дунейы чемпионаты расгуыхт æндæр цхинвайлаг æрмхæцæг Джиоты Родион, уый уæлахиздзау ссис 55 кг уæзы.
Тренер ма бузныджы ныхæстæ загъта, президент Бибылты Анатолийæн, арæзтады министр Зæгъойты Эдуардæн æмæ Паддзахадон унитарон куыстуат "Капиталон арæзтады управлени"-йы хистæр Джиоты Робертæн, стæй ма Ӕхсæнадæмон хыгъдон банчы хистæрæн сæ финансон æххуысы тыххæй.
Цыппæрæмы та тохы бацæудзæн Европæйы æртæ хатты æмæ дунейы дыууæ хатты чемпион низæфхæрд адæмы ʻхсæн Дыгъуызты Малхаз.