ЦХИНВАЛ, 11 ноя - Sputnik. Хуссар Ирыстоны фӕсарӕйнаг хъуыддӕгты министр Медойты Дмитрий ӕрцыд Берлинмӕ горӕты регионалон парламенты депутат Гуннар Линдерманны ӕрхуындӕй, хъусын кӕны ӕддагполитикон уагдоны пресс-службӕ.
Берлины Медойты Дмитрий хайад райста мадзӕлтты, кӕцытӕ нывонд сты Берлинаг къулы фехӕлдыл 30 азы сӕххӕсты цытӕн. Бӕрӕгбонон мадзӕлтты фылдӕр хай уагъд цыд Бернауэр-штрассе уынгыл, цы ран ныры онг ис къулы фрагмент.
Афтӕ ма Германимӕ балцы рӕстӕджы фӕсарӕйнаг хъуыддӕгты министр фембӕлдзӕн Берлины политикон ӕмӕ кусӕгон зылдты минӕвӕрттимӕ.
Уымӕй дарддӕр, ФХМ сӕргълӕууӕджы балцы фӕлгӕтты Европӕйы кӕцыдӕр бӕстӕтӕм, 9-ӕй 19-ӕм ноябрмӕ нывӕндынц ауадзын мадзӕлттӕ, цы ран хайад райсдзысты ирон диаспорӕтӕ ӕмӕ Хуссар Ирыстоны ӕмбӕлтты клубты минӕвӕрттӕ.