ЦХИНВАЛ, 12 ноя — Sputnik. Ирыстойнаг спортсментӕ рамбылдтой аст майданы Уӕрӕсейы Кубокы панкратионӕй, хъусын кӕны Цӕгат Ирыстоны спорты министрады пресс-службӕ.
Ерыстӕ цӕгатирыстойнаг клуб "Восток"-ы хъомылгӕнинӕгты хайадистӕй ацыдысты 8-10 ноябры Саратовы.
"Кады пьедесталы уӕлдӕр къӕпхӕнмӕ схызтысты Дзебысты Аслан, Тыбылты Зарат, Александр Васильев ӕмӕ Текъиты Зауыр. Ӕвзист майдан рамбылдта Таматы Азӕмӕт. Ӕрчъеккаты Вячеслав, Гасситы Арсен ӕмӕ Уруймагты Сослан та ссисты турниры бронзӕйон призертӕ", - дзырдӕуы хъусинаджы.
Пресс-службӕйы бафтыдтой, спортсменты ерыстӕм кӕй бацӕттӕ кодта Тыбылты Батрадз.