ЦХИНВАЛ, 18 дек - Sputnik. Югосетпотребнадзоры радзырдтой вирусон инфекцитӕ ӕмӕ гриппӕй рынчынкӕнынады тыххӕй Хуссар Ирыстоны 9-ӕй 15-ӕм декабрмӕ.
"Ивгъуыд къуыри республикӕйы хосгӕнӕн-профилактикон уагдӕттӕм бадзырдтой 277 рынчыны, сӕ нымӕцы 15 азы кары онг сывӕллӕттӕ - 254" – дзырдӕуы уагдоны пресс-службӕйы хъусинаджы.
Афтӕмӕй хъусын кӕнынц, рынчын сывӕллӕттӕй 45 сты дыууӕ азы кары онг.
Югосетпотребнадзоры бахахх кодтой, рынчынкӕнынад кӕй ис ӕнӕэпидемикон ӕмвӕзадыл.
Уымӕй дарддӕр уагдоны банысан кодтой, кӕй хъӕуы ӕххӕст кӕнын гриппы профилактикӕйы хуымӕтӕг фӕтктӕ, низы рӕстӕджы та рӕстӕгыл хъӕуы бадзурын медицинон ӕххуысы фӕдыл.