ЦХИНВАЛ, 31 дек - Sputnik. Къуайсайы мидхъуыддӕгты хайад райста Хуссар Ирыстоны президент Бибылты Анатолийӕ ног службӕйон автотранспорт, хъусын кӕны республикӕйы Мидхъуыддӕгты министрады (МХМ) пресс-службӕ.
Кусӕгон балцы фӕлгӕтты Къуайсайы коммӕ Бибылты Анатолий бабӕрӕг кодта Къуайсайы мидхъуыддӕгты хайад ӕмӕ басгӕрста кусджыты службӕйы уавӕртӕ.
"Президент банысан кодта, райгонд кӕй у хайады оперативон-службӕйон архайдӕй ацӕугӕ азы. Уый раарфӕ кодта барадхъахъхъӕнджытӕн ӕрбалӕугӕ Ног азы цытӕн ӕмӕ сын радта ног службӕйон хӕдтулгӕ ВАЗ-21241 дӕгъӕлтӕ", - дзырдӕуы хъусинаджы.
Республикӕйы мидхъуыддӕгты министр Наниты Игорь, кӕцы уыд президентимӕ иумӕ, раарфӕ кодта кусджытӕн Ног азы цытӕн ӕмӕ балӕвар кодта хайадӕн ныв.