ЦХИНВАЛ, 27 янв - Sputnik. Хуссар Ирыстоны Мидхъуыддӕгты министрады (МХМ) кусджытӕ ссардтой Цхинвалы цӕрӕджы хӕдтулгӕйы наркотикон буарад "Гӕн". Уый тыххӕй хъусын кӕны республикӕйы МХМ пресс-службӕ.
Тобӕгонд буарад ссардтой транспортон фӕрӕзы басгӕрсты рӕстӕджы, кӕцыйы шофыр сарӕзта фӕндагон-странспортон цау Цхинвал-Тъбет фӕндаджы фыццаг километрыл.
Афтӕ ма, уагдоны кусджытӕ ӕрурӕдтой столицӕйы 23-аздзыд цӕрӕджы, кӕцыйы хӕдтулгӕйы басгӕрсты рӕстӕджы ссардтой ӕууилгӕ тамако "Снюс"-ы 17 пакеты.
Цауты ӕууӕлтӕ бӕрӕг кӕны РХИ МХМ криминалон милици.