ЦХИНВАЛ, 25 фев - Sputnik. Хуссар Ирыстоны ссардтой "Град"-ы хӕйттӕ. Сармадзаны нӕмгуытӕ тӕссаг нӕ уыдысты, уымӕн ӕмӕ сӕ мидӕг нӕ уыд реактивон ӕртаг ӕмӕ рӕмудзӕн ӕрмӕг, фехъусын кодта уӕлвӕткон уагдоны агурӕн-ирвӕзынгӕнӕн дӕлхайады хистӕр Харебаты Гарик.
Уӕлвӕткон уагдонмӕ бадзырдтой, рӕмудзӕн ӕрмӕджытӕ кӕй ссардтой цхинвайлаг микрорайон "БАМ"-ы цур. Уӕлвӕткон уавӕрты министрады (УУМ) кусджытӕ уайтагъд ацыдысты бынатмӕ ӕмӕ басгӕрстой нӕмгуытӕ.
"Цы ӕрмӕджытӕ ссардтой, уыдон сты реактивон системӕ "Град"-ы хӕйттӕ. Уыдон тӕссаг не сты", - радзырдта Харебаты Гарик.
"Град"-ы хӕйттӕ ссардтой Цхинвалы цур
© МЧС РЮО