ЦХИНВАЛ, 2 мар - Sputnik. Хуссар Ирыстоны фӕндӕгтыл 24 февралӕй 2 мартмӕ ӕрцыд иу авари. Фӕндагон-транспортон цауты фӕстиуӕгӕн ивгъуыд къуыри зианбаййафджытӕ нӕй, хъусын кӕны республикӕйы Мидхъуыддӕгты министрады пресс-службӕ.
Иумӕйагӕй ацы период Паддзахадон автоинспекцийы кусджытӕ сбӕрӕг кодтой фӕндагон змӕлды 243 фӕткхалды. Дӕс шофыры фӕдыл, кӕцытӕ скъӕрдтой хӕдтулгӕтӕ нозтджынӕй, сарӕзтой административон протоколтӕ.
Афтӕ ма министрады фехъусын кодтой, 24 февралӕй 2 мартмӕ Хуссар Ирыстоны территорийыл кӕй сбӕрӕг кодтой иу фыдракӕнд. Республикӕйы дыццӕ цӕрӕджы ӕрбакодтой административон бӕрнмӕ гӕн "наркотикон, кӕнӕ ӕндӕр психотропон буарадтӕй ӕнӕзаконон пайда кӕныны тыххӕй".