ЦХИНВАЛ, 25 фев - Sputnik. Хуссар Ирыстоны Мидхъуыддӕгты министрады (МХМ) Паддзахадон автоинспекцийы кусджытӕ ӕрцахстой ВАЗ-21099 хӕдтулгӕйы 23-аздзыд шофыры дыккаг хатт нозтджынӕй скъӕрыны тыххӕй.
МХМ пресс-службӕйы хистӕр Бестауты Вида куыд банысан кодта, афтӕмӕй, раздӕр дӕр нӕлгоймаджы ӕрурӕдтой хӕдтулгӕ нозтджынӕй скъӕрыны тыххӕй.
"Уӕд тӕрхондон рахаста скъуыддзаг сбадын ӕй кӕнын ахсӕтоны дзырдӕй дыууӕ азмӕ", - банысан кодтой МХМ.
Ныртӕккӕ "Фӕндагон змӕлды фӕткхалды тыххӕй административон ӕмӕ уголовон бӕрны фӕдыл" РХИ Законмӕ гӕсгӕ, шофыры гӕнӕн ис сбадын кӕной ахӕстоны дыууӕ азы онг.
Уагдоны бафтыдтой, иумӕйагӕй ивгъуыд къуыри Хуссар Ирыстоны кӕй ӕрцыд ӕртӕ фӕндагон-транспортон цауы, кӕцыты фӕстиуӕгӕн зиан баййӕфтой фондз адӕймаджы. Республикӕйы Паддзахадон автоинспекцийы кусджытӕ сбӕрӕг кодтой фӕндагон змӕлды 261 фӕткхалды, фараст шофыры скъӕрдтой хӕдтулгӕтӕ нозтджынӕй.
