ЦХИНВАЛ, 4 мар — Sputnik, Плиты Фатимæ. Ӕртыццæджы æхсæв "Водоканал"-ы кусджытæ аиуварс кодтой Хуссар Ирыстоны столицæйы цæгаттаг хайы коммуникацитыл авари, Цхинвалмæ дон цæуы æнæ къуыхцыйæ, фехъусын кодтой Sputnik горæты администрацийы пресс-службæйы.
"Хуссар Ирыстоны паддзахадон унитарон куыстуат "Водоканал"-ы кусджытæ знон æнафонмæ куыстой хæтæлы згъуыд аиуварс кæныныл. Дон горæтмæ радтой æрвылбонон режимы", - загътой пресс-службæйы.
Мæскуыйаг микрорайоны аргъуанмæ хæстæг æртыццæджы стыдтой коммуникацитæ, авари иуварс кæныны рæстæджы бахъуыд ахицæн кæнын донифтонгад столицæйы цæгаттаг районты, кæцытæм дон цæуы комкоммæ магистралон хахх "Едыс-Цхинвал"-æй.