ЦХИНВАЛ, 10 мар — Sputnik, Плиты Фатимæ. Цхинвалы цæгаттаг фарс ссыгъдысты быдыртæ. Уæлвæткон уавæрты министрады зынгфæдисонты иу къордæн не ʻнтысы артыл фæтыхуæвын æмæ сæм ныр бамбал ис дыккаг къорд дæр, загътой Sputnik уагдоны пресс-службæйы.
Фæстаг дыууæ къуыри Хуссар Ирыстоны тынг сарæх сты зынгсирвæзтытæ, фылдæр бæрцæй уыдон æрцæуынц адæмы уæлæнгай ахасты тыххæй.
"Зынгривæзт ис Цхинвалы цæгаттаг хайы, раздæры Ачабеты хъæуы бынаты. Дыццæджы райсомæй зынгсирвæзт хуыссын кæны уæлвæткон уагдоны къорд, арт бацахста стыр тыгъад æмæ сæм æххуысмæ ацыд дыккаг къорд дæр", - загътой уагдоны.
Раздæр уагдон фехъусын кодта, ивгъуыд къуыри республикæйы кæй æрцыд 70 зынгсирвæзты.