ЦХИНВАЛ, 31 мар — Sputnik. Милицийы кусджытӕ ӕрцахстой Хуссар Ирыстоны столицӕйы цӕрӕджы, кӕцымӕ зӕрдӕ ӕхсайы горӕты 51-аздзыд цӕрӕг сылгоймаджы хӕдзармӕ бабырсыны. Уый тыххӕй хъусын кӕны дыццӕджы республикӕйы Мидхъуыддӕгты министрады (МХМ) пресс-службӕйы кусӕг Джиоты Алик.
"Мидхъуыддӕгты органты кусджытӕ ӕрцахстой Цхинвалы цӕрӕг сылгоймаджы хӕдзармӕ бабырсты дыккаг зӕрдӕхсайгӕйы. Фыдгӕнӕджы бакодтой фӕдагуырды изолятормӕ", - банысан кодтой МХМ.
Фыдракӕнд ӕрцыд 19 февралы: дыууӕ нӕлгоймаджы маскӕты хӕцӕнгарзимӕ бабырстой сылгоймаджы фатермӕ ӕмӕ дзы байстой 350 мин сомы. Фыдгӕнджытӕй иуы уайтагъд ӕрурӕдтой, дыккаджы та агуырдтой иу мӕййӕ фылдӕр.