ЦХИНВАЛ, 21 июл - Sputnik. Хуссар Ирыстоны Цхинвалы районы Хелчуайы хъӕуы цӕрӕг барвӕндонӕй радта барадхъахъхъӕнджытӕн хӕцӕнгарз ӕмӕ хӕстӕрмӕджытӕ, хъусын кӕны дыццӕджы Паддзахадон ӕдасдзинады комитеты (ПӔК) пресс-службӕ.
Уагдоны банысан кодтой, хъӕуы цӕрӕг кӕй радта ӕртӕ гранатометы РПГ-26, РПГ-7 гранатометы ӕхсӕз гранатӕйы, 16 гранатӕйы РГО, 20 гранатӕйы РГД-5 ӕмӕ автоматы нӕмгуытӕ.
Комитеты бахахх кодтой, хӕцӕнгарз ӕмӕ хӕстӕрмӕджытӕ барвӕндонӕй кӕй радтой, уый фӕдыл республикӕйы законтӕм гӕсгӕ хъӕуы цӕрӕджы ссӕрибар кодтой уголовон бӕрндзинадӕй.