ЦХИНВАЛ, 1 сен - Sputnik, Плиты Фатимæ. Хуссар Ирыстоны зонад иртасӕн институты ног истори ӕмӕ этнографийы хайады кусджытӕ араст сты Цхинвалы районмӕ Медзыдагомы зонадон экспедицийы. Ахуыргондты къорд кусдзӕн 10 сентябрьмӕ, фехъусын кодта Sputnik уагдоны директор Гаглойты Роберт.
Зонадон уагдонӕн ацы аз уый у сӕ дыккаг балц, раздӕр уыдон бабӕрӕг кодтой этнографион экспедициимӕ Цхинвалы районы Дзимыры ком.
"Зонадон экспедицийы архайынц этнографи ӕмӕ ног историйы хайады кусджытӕ ахуыргонд Мӕргъиты Ирбеджы къухдариуӕгадӕй. 25 августӕй кусынц быдырон уавӕрты, ахуыр кӕнынц этнографи ӕмӕ археологийы фарстытӕ. Се 'рцыды фестӕ бӕстон зӕгъӕн уыдзӕн сӕ балцы хатдзӕгты тыххӕй", - Гаглойты Роберт.
Йӕ ныхӕстӕм гӕсгӕ, фӕстӕдӕр бабӕрӕг кӕндзысты Дзауы район дӕр.
Дыууæ къуырийы дæргъы ахуыргондты къорд иртасдзысты этнографи æмæ археологийы фарстытæ.