ЦХИНВАЛ, 4 дек - Sputnik. Хуссар Ирыстоны Гарзджын тыхты ахуыры зымӕгон периодмӕ цӕттӕкӕнынад ацыд хорз ӕмвӕзадыл, фӕлӕ дзы сбӕрӕг кодтой фиппаинӕгтӕ дӕр, фехъусын кодта республикӕйы хъахъхъӕнынады министры х.ӕ. Гассеты Ибрагим уагдоны офицертимӕ хыгъдон рабадты рӕстӕджы.
Хъахъхъӕнынады министрады пресс-службӕ куыд хъусын кӕны, афтӕмӕй ахуыры зымӕгон периодмӕ цӕттӕкӕнынад цӕуы иу мӕйы дӕргъы ӕмӕ у ӕфсӕдты цӕттӕкӕнынады ахсджиаг этап.
"Аспекттыл иууылдӕр бакусын ӕмӕ проблемӕтӕ ӕввахс рӕстӕджы аиуварс кӕнын, бӕрнон офицертӕ та хъуамӕ райсой сӕ хъусдардмӕ мадзӕлтты ӕххӕсткӕнын", - загъта министры х.ӕ.
Гассеты Ибрагим сӕйраг хъусдард аздӕхта ӕфсӕддон службӕйы ӕдасдзинадмӕ. Уый бахӕс кодта бӕрӕг кӕнын ӕфсӕддон дисциплинӕйы фехӕлдтӕ ӕмӕ ӕфхӕрын аххосджынты дисциплинарон уагӕвӕрдмӕ гӕсгӕ.
"Хъуамӕ ӕнӕмӕнг ӕххӕст цӕуой кусӕгон рӕстӕг ӕмӕ боны фӕтк". – загъта Гассеты Ибрагим.
Уымӕй дарддӕр, министры х.ӕ. бахӕс кодта хъус ӕрдарын хӕстон рад хӕссыны гъӕдмӕ ӕмӕ хӕстон цӕттӕкӕнынады фӕдыл ахуыртӕм.
"Сӕйраг хъусдард здахын ӕдасдзинады техникӕмӕ хӕстон, сӕрмагонд ӕмӕ тактикон цӕттӕкӕнынады мадзӕлттӕ уадзыны рӕстӕджы. Ӕрвылбон уадзын инструктаж, чысыл фехӕлдты тыххӕй та хъӕуы ӕфхӕрын аххосджынты", - бахахх кодта уый.
Рабадты рӕстӕджы ма ӕркастысты ӕфсӕддон объектты арӕзтады фарстытӕм.