ЦХИНВАЛ, 9 дек - Sputnik, Хъуылымбегты Зӕлинӕ. Хуссар Ирыстоны фӕстаг суткӕйы коронавирус раргом 39 адӕймагӕн, фехъусын кодта ӕртыццӕджы Sputnik Югосетпотребнадзоры хистӕры хӕдивӕг Гаглойты Анна.
"Амбулаторон хоскӕнынад цы рынчынтӕ цӕуынц , уыдон нымӕц схызт 927 онг", - загъта уый.
Гаглойты Аннайы ныхӕстӕм гӕсгӕ, ивгъуыд суткӕ медикты хъусдардӕй систӕуыд 80 пациенты, ӕдӕппӕт пандемийы рӕстӕджы та сӕнӕниз сты 1035 адӕймаджы.
Югосетпотребнадзоры лабораторийы пандемийы райдианӕй нырмӕ сарӕзтӕуыд 11,770 иртӕсты COVID-19 рафӕлгъауыны фӕдыл, уыдонӕй 1962 равдыстой низы уӕвынад.
Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.