ЦХИНВАЛ, 10 дек - Sputnik. Цӕгат Ирыстоны аивӕдты лицӕйы ахуыргӕнинаг, пианист Басаты Оскар ссис дыккаг Ӕхсӕнадӕмон фестиваль "Le Ciel de Paris"-ы фыццаг премийы лауреат. Уый тыххӕй хъусын кӕны республикӕйы культурӕйы министрады пресс-службӕ.
"Ацы культурон-ахуырадон проекты хайадист у стыр къахдзӕф ӕвзонг музыканты фидӕны профессионалон райрӕзтмӕ", - банысан кодтой уагдоны.
Ӕвзонг музыканты ахуыргӕнӕг Елена Ламбрианидийы дӕр схорзӕхджын кодтой жюрийы грамотӕйӕ.
Басаты Оскар фӕстаг мӕйты дӕргъы активон хайад иста концерттӕ ӕмӕ конкурсты, сӕ нымӕцы, ссис ӕхсӕнадӕмон конкурс "Казань Stars"-ы лауреат.