ЦХИНВАЛ, 29 дек — Sputnik, Плиты Фатимӕ. Хуссар Ирыстоны столицӕйы ӕххуысхъуаг бинонты зӕнӕгӕн ногазон лӕвӕрттӕ самал кодта сусӕг хӕрзгӕнӕг, фехъусын кодтай Sputnik Мидхъуыддæгты министрады æнахъомты хъуыддæгты фæдыл инспекцийы хистӕр, булкъон Гатайты Лали.
Лӕвӕрттӕ байуӕрстой сӕ хицӕуттыл къуырисӕры.
"Бафӕндыд мӕ бузныг зӕгъын ацы адӕймагӕн, кӕцыйы фӕндыд ног азы къӕсӕрыл ӕрхӕссын чысыл хорздзинад сабитӕн, афтӕмӕй нӕ раргом кодта йӕ ном дӕр",- загъта Гатайты Лали.
Уый ма бафтыдта, 26 тыхтон радтой сӕ хицӕуттӕн.
"Фылдӕр бӕрцӕй нӕ инспекцийы хъусдарды бын чи бахаудт, уыцы бинонты зӕнӕг райстой ногазон лӕвӕрттӕ",- бафтыдта уый.
Сусӕг хӕрзгӕнджытӕ ма ногазон лӕвӕрттӕ районон ӕнахъомты хайадтӕм дӕр.