ЦХИНВАЛ, 1 апр - Sputnik. Хуссар Ирыстоны президент Бибылты Анатолий 1 апрелӕй ацӕудзӕн дыууӕкъуырион отпускы, кӕцы нывӕнды арвитын республикӕйы территорийыл, хъусын кӕны президенты пресс-службӕ.
Паддзахады сӕргълӕууӕджы хӕстӕ ацы рӕстӕг ӕххӕст кӕндзӕн хицауады сӕрдар Бекъойты Геннадий, банысан кодтой уагдоны.
Пресс-службӕйы бафтыдтой, хицауады сӕрдар ӕрвылбон кӕй хъусын кӕндзӕн президентӕн республикӕйы уавӕры тыххӕй.
Афтӕ ма пресс-службӕйы банысан кодтой, 2020 азы паддзахады сӕргълӕууӕгӕн кӕй нӕ бантыст баулӕфын, уымӕн ӕмӕ республикӕйы уыд уӕззау эпидемиологон уавӕр коронавирусы пандемийы тыххӕй.