ЦХИНВАЛ, 2 авг – Sputnik. Цӕгат Ирыстоны коронавирусы апарахатимӕ уавӕр нырма дӕр у ӕндыгъд. Уый тыххӕй аппаратон рабадтыл фехъусын кодта Роспотребнадзоры разамонӕг Тыбылты Алан, хъусын кӕны 15-ӕм Регион.
"Ивгъуыд къуырийы рынчынты нымӕц 15,7 проценты фылдӕр у уый размӕ къуыримӕ абаргӕйӕ. Ковидон стационартӕм чы бадзырдта, уыдоны нымӕц фӕфылдӕр 3,6 проценты, госпитализацигонд пациентты нымӕц нӕ фӕивта", - загъта Тыбылты Алан.
Уый бафтыдта, зӕгъгӕ, бизнес-ӕхсӕнад исы мадзӕлттӕ, цӕмӕй коронавиус ма парахат кӕна, фӕлӕ республикӕйы цӕрджытӕ нӕ ӕххӕст кӕнынц эпидемиологон домӕнтӕ.
Нысангонд ӕрцыд, республикӕйы ивгъуыд къуыри коронавирусӕй кӕй амардысты 16 адӕймаджы.