ЦХИНВАЛ, 8 окт - Sputnik, Гӕбӕраты Элина. Хуссар Ирыстоны санитарон уагдоны ивгъуыд суткӕйы сбӕрӕг кодтой 96 ног рынчыны коронавирусӕй, фехъусын кодта майрӕмбоны Sputnik Югосетпотребнадзоры сӕргълӕууӕг Коцты Марина.
"Югосетпотребнадзоры лабораторийы цыппӕрӕмы сарӕзтӕуыд 301 иртӕсты, уыдонӕй COVID-19 сбӕрӕг кодтой 96 адӕймагӕн. Медицинон хыгъдӕй систой 30 пациенты. Медикты хъусдарды бын ма сты 1267 адӕймаджы", - радзырдтой уагдоны.
Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 39 720 иртӕсты, уыдонӕй ӕвӕрццаг фӕстиуӕг равдыстой 6627. Абоны онг коронавирусӕй ӕдӕппӕт сӕнӕниз сты 5360 адӕймаджы.