ЦХИНВАЛ, 13 окт - Sputnik. Хуссар Ирыстоны Ӕнӕниздзинад хъахъхъӕнынады министрад аскъуыддзаг кодта бакӕнын уӕлӕмхасӕн бынӕттӕ Республикон бирӕпрофилон медицинон центры (РБМЦ) инфекцион рынчындоны "сырх зонӕйы" коронавирусӕй рынчынты нымӕцы фӕфылдӕры тыххӕй. Уый тыххӕй Sputnik фехъусын кодта ӕнӕниздзинад хъахъхъӕнынады министр Наниты Сослан.
Министр банысан кодта, коронавирусӕй рынчынтӕн уӕлӕмхасӕн бынӕттӕ бакӕндзысты рынчындоны ӕртыккаг уӕладзыгыл. Наниты Сослан басгӕрста инфекцион рынчындоны "сырх зонӕ" ӕмӕ радта фӕдзӕхсттӕ дохтыртӕн.
Уагдоны банысан кодтой, республикӕйы ӕмбӕстӕгтӕн ӕнӕмӕнгхъӕугӕ ӕххуыс кӕй кӕнынц рӕстӕгыл.
"Рынчындоны пациенттӕн бынӕттӕ гӕнӕн ис фӕфылдӕр кӕнын 120 онг", - загътой Ӕнӕниздзинад хъахъхъӕнынады министрады.
РБМЦ "сырх зонӕйы" ӕртыццӕджы бӕрӕггӕнӕнтӕм гӕсгӕ хоскӕнынад цӕуынц 89 пациенты коронавирусимӕ, афтӕмӕй инфекцион рынчындоны ӕдӕппӕт ис 90 бынаты.