ЦХИНВАЛ, 14 окт - Sputnik, Плиты Фатимӕ. Хуссар Ирыстоны Дзауы районы коронавирусимӕ уавӕр карздӕр кӕны бонӕй-бонмӕ. Кӕд сентябры районы сбӕрӕг кодтой 29 фӕрынчынуӕвӕджы, уӕд октябры ӕмбисмӕ та сӕ нымӕц схызт 38 онг, фехъусын кодта Sputnik районы сӕйраг дохтыр Гасситы Константин.
"Уавӕр бонӕй-бонмӕ карздӕр кӕны. Индиаг штамм куыд ӕппӕт республикикӕйы, афтӕ махмӕ дӕр никӕуыл ауӕрды. Рынчын кӕнынц стырӕй-чысылӕй. 38 адӕймаджы хос кӕнынц амбулаторон уавӕрты, дӕс адӕймаджы та РБМЦ-ы инфекцион хайады", - загъта Гасситы Константин.
Сӕйраг дохтыры ныхӕстӕм гӕсгӕ, районон рынчындоны нӕй уавӕртӕ коронавирусы фӕдыл уӕззау рынчынтӕн хос кӕнынӕн.
"Уавӕр ноджы кӕд февзӕрдӕр уа, уӕд скъуыддзаг цӕудзӕн районы рынчындоны дӕр "сырх зонӕ" бакӕныны фарст. Фӕлӕ рынчындоны ис ӕрмӕст иу терапевт, уый дӕр ис тасы зонӕйы, йӕ кармӕ гӕсгӕ", - бафтыдта уый.