ЦХИНВАЛ, 25 окт - Sputnik. Абхазы фесты ӕхсӕнадӕмон-командон ахуыртӕ, кӕцыты хайад райстой Хуссар Ирыстоны Хъахъхъӕнынады министрады сӕрмагонд нысаниуӕджы батальоны ӕфсӕддонтӕ дӕр. Уый тыххӕй хъусын кӕны уагдоны пресс-службӕ.
"Организаторты ныхӕстӕм гӕсгӕ, хӕслӕвӕрдтӕ, кӕцытӕ ӕрӕвӕрдтой Хуссар Ирыстоны ӕфсӕддонты раз, ӕнтыстджын ӕххӕст скодтой", - дзырдӕуы хъусинаджы.
Ахуырты фыццаг дыууӕ этапыл ауагътой цӕттӕгӕнӕн мадзӕлттӕ.
Ахуырты ӕртыккаг этап ацыд Абхазы Хъахъхъӕнынады министрады полигон Цабалы, уым тактикон уӕлдӕфон десанты сконды хайад райстой хуссарирыстойнаг ӕфсӕддонтӕ.
"Ацы этапыл хӕстон ӕхстытимӕ Абхаз, Хуссар Ирыстон ӕмӕ Уӕрӕсейы дӕлхайӕдтӕ сӕххӕст кодтой иумӕйаг хӕслӕвӕрдтӕ дзырдӕй ныхмӕлӕууӕджы скуынӕг кӕныны фӕдыл", - бафтыдтой уагдоны.
Нысангонд ӕрцыд, хуссарирыстойнаг ӕфсӕддонты архӕйдтытӕм ӕркаст ацӕудзӕн уагдоны сӕргълӕууӕг инӕлар-лейтенант Гассеты Ибрагимы къухдариуӕгады бын.