ЦХИНВАЛ, 19 ноя — Sputnik, Плиты Фатимӕ. Хуссар Ирыстоны фӕсивӕды хсӕн иууыл ӕнтыстджындӕр боксер Гӕджиты Гурам стох кӕндзӕн Уӕрӕсейы Кубокы, фехъусын кодта Sputnik йӕ тренер Дзигойты Ацӕмӕз.
Фӕстаг ӕзты Гӕджиты Гурам ссис фыццаг архайӕг Хуссар Ирыстонӕй Европӕйаг ерысты. Уый ӕрӕздӕхт бронзӕйон призерӕй. Уымӕй дарддӕр у 2021 азы Уӕрӕсейы уӕлахиздзау.
"Хорз цӕттӕ стӕм ерыстӕм. Хуссар Ирыстонӕй ерысты тох кӕны ӕрмӕст Гӕджиты Гурам. Хъуамӕ аккагӕй хъахъхъӕна Ирыстоны спортивон кад", - загъта тренер.
Ерыстӕ цӕудзысты Санкт-Петербурджы 21-28 ноябрьмӕ. Гурам архайдзӕн кӕстӕр фӕсивӕды хсӕн(15-16аз).