ЦХИНВАЛ, 17 дек – Sputnik. Кӕсӕбиты Алина Ирыстонӕй рамбылдта Уӕрӕсейы Кубок сылгоймӕгты хъӕбысхӕстӕй Наро-Фоминскы. Кӕсӕбиты Алина ссис фыццаг 62 килограммы онг уӕзы категорийы, хъусын кӕны 15-ӕм Регион.
Финалы ирон спортсменкӕ фӕуӕлахиз Анастасия Парохинайыл Сахалины областӕй 7:1 хыгъдӕй.
Фембӕлды фыццаг хай тренер Къудухты Олегы хъомылгӕнинаг ӕмбылдта 5:0 хыгъдӕй. Дыккаг хайы уый хъуыддаг уæлахизы онг ахæццæ кодта. Ацы хатдзӕгӕй Кӕсӕбиты Алина балхынцъ кодта йӕ ӕнтыстджын спортивон аз.
Уый размӕ ирон спортсменкӕ фӕулахиз Уӕрӕсе, Европӕ ӕмӕ дунейы фыццагадты.