ЦХИНВАЛ, 20 дек - Sputnik, Хъуылымбегты Зӕлинӕ. Хуссарирыстойнаг спортсменкӕ Елбачиты Ирина ссис иууыл хъуыздӕр республикон ерысты уӕлыстъол теннисӕй Цӕгат Ирыстоны. Спортсменкӕ куыд радзырдта Sputnik, афтӕмӕй ацы уӕлахизы руаджы уый райста фадат хайад райсынц ЦКФЗ чемпионаты, кӕцы ацӕудзӕн Кӕсӕг-Балхъары 2022 азы январы.
"Ерысты хайад истой спортсментӕ Хуссар ӕмӕ Цӕгат Ирыстонӕй. Ацыд фондз хъазты, иууылдӕр уыдысты зын, уымӕн ӕмӕ нӕ чызджыты тынг фидар сты", - загъта Елбачиты Ирина.
Спортсменкӕ бафтыдта, зӕгъгӕ, ерысты хайад райста Хуссар Ирыстоны ноджы иу минӕвар – Кокойты Аманда, кӕцы бацахста дыккаг бынат.
"Уый равдыста тынг стратегион раст ӕмӕ психологион фидар хъазт Светлана Лапинайы ныхмӕ", - банысан кодта Ирина.
Уый ма бафтыдта, зӕгъгӕ, ЦКФЗ ерысты ӕнтыстджын архайд куы скӕна, уӕд аннӕ этап та уыдзӕн Уӕрӕсейы чемпионат.