ЦХИНВАЛ, 21 дек - Sputnik. Хуссар Ирыстоны премьер-министр Бекъойты Геннадий хайад райста хӕрзаудӕн акци "Бӕллицты фонтан"-ы.
ПТРК "Ир"-ы проект "Бӕллицты фонтан" райдыдта 1 декабры 2017 азы ӕмӕ ацыд Хуссар Ирыстоны президенты ӕмархайдӕй. 2020 азы акци нӕ ауагътой коронавирусы пандемийы тыххӕй. Проект уагъд цӕуы сывӕллӕтты хӕдзар ӕмӕ скъола-интернатты хъомылгӕнинӕгтӕн. Афтӕ ма акцийы хайад исынц ӕххуысхъуаг бинонты сывӕллӕттӕ.
"Зӕрдиагӕй ӕрбаиу дӕн акцимӕ. Мӕхи дӕр нырма уырныц ногазон диссӕгтӕ ӕмӕ зонын, цахӕм циндзинад ӕрхӕссы сабийӕн лӕвар Митын Дадайӕ. Мӕ цӕст уарзы алкӕцы сывӕллонӕн дӕр хӕрзӕбон ӕмӕ сӕ бӕллицты сӕххӕст!", - загъта Бекъойты Геннадий.
Хицауады сӕрдар систа фонтанӕй ӕртӕ фыстӕджы, афтӕ ма раарфӕ кодта проекты автор Хъуылымбегты Елена ӕмӕ паддзахадон телерадиокомпанийы коллективӕн ӕрбалӕугӕ Ног азы цытӕн.