ЦХИНВАЛ, 2 фев — Sputnik, Хъуылымбегты Зӕлинӕ. Хуссар Ирыстоны ивгъуыд суткӕ COVID-19 сбӕрӕг кодтой 157 адӕймагӕн, фехъусын кодтой Sputnik Югосетпотребнадзоры.
"Нӕ лабораторийы сарӕзтой 336 тесты. Уыдонӕй низы уӕвынад равдыстой 157. Медицинон хыгъдӕй систой 90 пациенты – уыдон сӕнӕниз сты коронавирусӕй. Медикты хъусдарды бын стационар ӕмӕ амбулаторийы сты 1766 рынчыны", - загъта цӕстдардон уагдоны.
COVID-19-ӕй сӕнӕнизуӕвӕг пациентты иумӕйаг нымӕц Хуссар Ирыстоны абоны онг у 10 795. Югосетпотребнадзоры ПЦР-лабораторийы ӕдӕппӕт пандемийы рæстæджы сарӕзтой 62 415 иртӕсты, уыдон бӕрӕггӕнӕнтӕм гӕсгӕ, вирусӕй фӕрынчын сты 12 561 адӕймаджы.