ЦХИНВАЛ, 2 фев - Sputnik, Плиты Фатимӕ. Галаты Борисы номыл Хуссар Ирыстоны кафт ӕмӕ зарды паддзахадон ансамбль "Симд" райста ног кафджыты, фехъусын кодта Sputnik коллективы аивадон къухдариуӕггӕнӕг Коцты Сергей.
Бӕстӕйы сӕйраг коллективмӕ бацыд цыппар ног артисты - дыууӕ чызг ӕмӕ дыууӕ лӕппуйы.
"Ног кусджыты райсыны тыххӕй куы фехъусын кодтам, уӕдӕй нӕм ӕрбацыд 15 адӕймаджы бӕрц. Дыууӕ чызг ӕмӕ дыууӕ лӕппуйы равзӕрстам, уыдон уыдысты республикӕйы фӕсивӕдон коллективты кафджытӕ", - загъта аивадон къухдариуӕггӕнӕг.
Уый куыд банысан кодта, афтӕмӕй ног кафджытӕ сты сты ӕрыгон фӕсивӕд - 15-16 азы кары. Куыст цӕудзӕн, цӕмӕй сӕ бацӕттӕ кӕной ӕмбӕлон ӕмвӕзадмӕ.
Коцты Сергей ма бафтыдта, коллективы ма кӕй хъӕуы ноджы ӕрыгон чызджытӕ.
Паддзахадон ансамбль "Симд" нывӕнды радон концерт уалдзӕгмӕ.