ЦХИНВАЛ, 7 апр - Sputnik. Сывӕллӕтты республикон рынчындоны Цхинвалы цыппӕрӕмы бакодтой библиотекӕ сывӕллӕттӕн. Мадзалы хайад райста президент Бибылты Анатолий, хъусын кӕны бӕстӕйы сӕргълӕууӕджы пресс-службӕ.
Проекты инициатор, сывӕллӕтты барты фӕдыл ӕххӕстбарджын Цхуырбаты Татьяна радзырдта, куыд фӕзынд хъуыды сывӕллӕттӕн рынчындоны библиотекӕ саразыны тыххӕй.
"Куы-иу ӕрбацыдтӕн сывӕллӕттӕм ӕмӕ-иу куы федтой, сӕхи кӕм аирхӕфсой, ахӕм бынат дзы кӕй нӕй, уӕд мӕм фӕзынд ам библиотекӕ саразыны фӕдыл", - загъта уый.
Цхуырбаты Татьяна бафтыдта, зӕгъгӕ, библиотекӕйы ис ӕрмӕст чингуытӕ нӕ, фӕлӕ ма сывӕллӕтты райтынг кӕнынӕн пайда хъӕзтытӕ дӕр.
Сывӕллӕтты рынчындоны Цхинвалы бакодтой библиотекӕ
© Пресс-служба президента РЮО
Бибылты Анатолий дӕр проект схуыдта ахсджиаг ӕмӕ ӕнӕмӕнгхъӕуӕг.
"Хъыгагӕн, сывӕллӕттӕ дӕр кӕддӕрты бахауынц рынчындонмӕ ӕмӕ ахсджиаг у, цӕмӕй сын уа фадат сӕхиуыл кусынӕн. Кӕсут ӕмӕ тагъддӕр сӕнӕниз уат", - загъта уый.
Цхуырбаты Татьяна бузныг загъта президентӕн йӕ ӕххуысы тыххӕй проекттӕ реализаци кӕныны хъуыддаджы.
Сывӕллӕтты рынчындоны Цхинвалы бакодтой библиотекӕ
© Пресс-служба президента РЮО