ЦХИНВАЛ, 8 апр — Sputnik, Хъуылымбегты Зӕлинӕ. Хуссарирыстойнаг спортсментӕ ралӕудзысты ленк кӕнынӕй ӕппӕтуӕрӕсейон ерысты Мӕскуыйы, фехъусын кодта Sputnik тренер Евгения Терлеева.
Турнир ацӕудзӕн 9-10 апрелы Доны стадион "Динамо"-йы бассейны.
"Мах ныридӕгӕн стӕм Мӕскуыйы. Нӕ командӕйы ис 30 адӕймаджы - 13 лӕппуйы ӕмӕ 17 чызджы. Сывӕллӕттӕ рацыдысты къамис ӕмӕ активонӕй сӕхи цӕттӕ кӕнынц ерыстӕм", - загъта тренер.
Ленкгӕнджыты Цхинвалы цӕттӕ кӕнынц тренертӕ Евгения Терлеева, Тъотъоты Хасан ӕмӕ Плиты Ацӕмӕз.
Уымӕй размӕ та хуссарирыстойнаг спортсментӕ хайад райстой Казахстаны сгуыхт тренер Александр Клюкины номыл ерысты. Сӕ фӕстиуджытӕм гӕсгӕ цхинвайлаг Уалыты Валерия райста дыууӕ дыккаг бынаты.