ЦХИНВАЛ, 10 апр — Sputnik, Гӕбӕраты Элина. Хуссар Ирыстоны президенты бынатмӕ кандидат Тасойты Дмитрий хайад райста паддзахады сӕргълӕууӕджы бынатмӕ хъӕлӕсӕппӕрсты. Уый схъӕлӕс кодта ӕстӕм ӕвзарӕн фадыджы Сывӕллӕтты сфӕлдыстадон галуаны Цхинвалы. Тасойты Дмитрий бацыд уырдӕм йӕ сывӕллӕттимӕ.
"Адӕмы бӕллицтӕ хъуамӕ сӕххӕст уой. Кӕд адӕмы фӕнды, цӕмӕй къухдариуӕгад фӕива, уӕд уый хъуамӕ фӕива ӕнӕ зындзинӕдтӕ ӕмӕ революцитӕй", - банысан кодта президенттӕм кандидат.
Тасойты Дмитрийы цӕст бауарзта кандидаттӕн ӕнтыстытӕ.
Республикӕ Хуссар Ирыстоны 10 апрелы цӕуынц президентон ӕвзӕрстытӕ. Паддзахады сӕргълӕууӕджы бынатмӕ претенденттӕ сты ныры президент Бибылты Анатолий, парламенты дыууӕ депутаты Мулдарты Гарри ӕмӕ Плиты Александр, парламентон парти "Ныхас"-ы лидер Гаглойты Алан ӕмӕ экс-депутат Тасойты Дмитрий.
Ӕвзарджытӕн схъӕлӕс кӕныны фадат ис 76 ӕвзарӕн фадыджы: уыдонӕй 72 байгом сты республикӕйы территорийыл, ноджы цыппар фӕсарӕнты. Ӕдӕппӕт мыхуыргонд ис 40 мин ӕвзарӕн бюллетены.