ЦХИНВАЛ, 13 май - Sputnik. Ядерон хӕцӕнгарзӕй спайда кӕнынӕй ныртӕккӕ тынг тӕссаг нӕу, уымӕн ӕмӕ украинӕйаг кризис у локалон конфликт ӕмӕ йӕм цӕгататлантикон альянсы бӕстӕтӕй ничи ӕрбаиу, нымайы ӕхсӕнадӕмон ахастыты мӕскуыйаг институты Перспективон америкӕйаг иртӕстыты центры хистӕр зонадон кусӕг Александр Чеков.
"Украинӕйы ядерон хӕцӕнгарз куы сӕвӕрой, уӕд уыцы хъуыддаг суыдзӕн ӕфсӕддон ӕмӕ стратегион ӕндыгъдады серьезон фактор, кӕцы сӕвзӕрын кӕндзӕн ноджы стырдӕр ӕнӕбӕрӕгдзинады ситуаци", - загъта Чеков.
Уӕрӕсейаг сенатор Алексей Пушков йӕ Telegram-каналыл ныффыста, зӕгъгӕ, Украинӕйы территорийыл НАТО ядерон хӕцӕнгарз куы сӕвӕра, уӕд уыцы хъуыддаг ӕркӕндзӕн апокалипсисмӕ.
Ацы хъуыдыйӕн комментаритӕ аразгӕйӕ, Чеков банысан кодта, зӕгъгӕ, уыцы цау иурӕстӕгон апокалипсис нӕ расайдзӕн, фӕлӕ ӕвдисӕн уыдзӕн НАТО принципиалон фӕндӕн уӕрӕсейы арӕнтӕм хӕстӕг ӕфсӕддон-стратегион уавӕр фӕивыны фӕдыл.