ЦХИНВАЛ, 24 май – Sputnik, Козаты Диана. Хуссар Ирыстон, сæйраджыдæр, хъуамæ уа хæдхъом республикæ, загъта Sputnik республикæйы хицауады фыццаг сæрдар Тезиты Олег.
Политик æрцыд республикæмæ бирæ азты фæстæ, цæмæй хайад райса Гаглойты Аланы инаугурацийы церемонийы, кæцы ацыд Цхинвалы дыццæджы.
"Æз Паддзахадон драмон театры залы федтон ног контингент мæхицæн, иууылдæр уыдысты разæнгард адæм. Мæн дæр ныфс ис, кæй æрцæудзæн ивындзинæдтæ, æмæ мæ цæст уарзы ног президентæн хорздзинад йæ царды, афтæ ма æнтыстытæ адæмы хæрзæбонæн", - загъта Тезиты Олег.
Уый банысан кодта, сæйраджыдæр, кæй æнхъæлмæ кæсы, цæмæй Хуссар Ирыстон суа хæдхъом.
"Мæн тынг фæнды, цæмæй уый æрцæуа. Æмæ иттæг хорз уаид, ног президент æй куы сæххæст кæнид", - бафтыдта политик.
Гаглойты Алан рамбылдта президентон æвзæрстыты дыккаг туры æмæ ссис Хуссар Ирыстоны фæндзæм президент.