ЦХИНВАЛ, 3 июн - Sputnik, Плиты Фатимæ. Хуссар Ирыстоны хӕрзаудӕн дукани "Рухсы тын" арвыста гуманитарон ӕххуысы дыккаг парти Донецкы Адӕмон республикӕмӕ, фехъусын кодта Sputnik дуканийы хицау Хъуылымбегты Елена.
Ӕрмæг ӕрвыст ӕрцыд гуманитарон ӕххуысы иумӕйаг центры уылты.
"Сӕдӕ сӕрдыгон къабайӕ фылдӕр, сабиты дарӕс ӕмӕ ӕндӕр ӕрмӕг мах арвыстам гуманитарон ӕххуысы хуызы Донецкмæ, уымӕй мах бамбал стӕм ӕппӕтреспубликон гуманитарон акцимӕ. Дыууӕ хатты ныр радтам, нӕ бон цас уыд, уыйбӕрц ӕрмӕг", - загъта уый.
Афтæ ма, Еленайы ныхӕстӕм гӕсгӕ, ацы бонты уыдон архайдтой рауагъдонтӕн балӕггад кӕныныл дæр.
Хуссар Иры хӕрзаудӕн дукани "Рухсы тын" арвыста гуманитарон ӕххуыс Донецкмӕ
© Photo : Из личного архива Елены Кулумбеговой
"Цалдӕр рауагъдоны скодтам балмӕ. Ӕнӕуый та ӕппынӕдзух кусӕм. Ныр нӕ график фӕивтам - дукани йӕ дуӕрттӕ бакӕны райсом фараст сахатыл ӕмӕ кусы райсомы иуӕндӕсы онг", - бафтыдта Хъуылымбегты Елена.
Уый ма радзырдта, дукани кӕй уӕвынад кӕны ӕрмӕстдӕр республикӕйы зӕрдӕхӕлар адӕмы фӕрцы
Цхинвайлаг энтузиасттӕ 2019 азы бакодтой Хуссар Ирыстоны столицӕйы хӕрзаудӕн дукани "Рухсы тын". Ӕнахуыр дуканимӕ алкӕмӕн дӕр йӕ бон у ӕрбахӕссын, хӕдзары цӕмӕй нал пайда кӕнынц, уыдон - уӕлдарӕс, къахдарӕс, чингуытӕ, хъазӕнтӕ, гигиенӕйы предметтӕ. Уый фæстæ æмбырд дзаума уæрст цæуы сидзæрдæттыл. Тыхст адæмæн сæ бон у бацæуой æмæ æнæаргъæй сæхицæн дарæс рахæссой.
Хуссар Иры хӕрзаудӕн дукани "Рухсы тын" арвыста гуманитарон ӕххуыс Донецкмӕ
© Photo : Из личного архива Елены Кулумбеговой