ЦХИНВАЛ, 22 июн – Sputnik, Тъехты Дзерассæ. Хуссар Ирыстоны фæстаг хæрзбон загътой Джиоты Маратæн, кæцы фæмард сæрмагонд æфсæддон операцийы рæстæджы Украинæйы территорийыл.
Граждайнаг панихидæ ацыд Цхинвалы. Джиоты Маратæн фæстаг хæрзбон зæгъынмæ æрбацыдысты сæдæгай адæм, сæ нымæцы республикæйы президент Гаглойты Алан, хицауад æмæ парламенты уæнгтæ, афтæ ма 4-æм уæрæсейаг æфсæддон базæйы минæвæрттæ.
Цхинвалы фæстаг хæрзбон загътой Джиоты Маратæн
© Пресс-служба президента РЮО
"Зын уыд ссарын Маратæй цардуарзæгдæр адæймаг. Уымæн йæ цард нырма разæй уыд. Фæлæ йын ахæм хъысмæт уыд. Нæ фæсивæды хъайтардзинады тыххæй зонынц æрмæст Ирыстоны нæ, фæлæ Уæрæсе æмæ фæсарæнты дæр. Мараты рухс ном рохгонд нæ уыдзæн", - загъта паддзахады сæргълæууæг.
Гаглойты Алан зæрдыл æрбалæууын кодта, абон кæй у Стыр Фыдыбæстон хæсты райдайæны афæдзы бон.
"Абон дæр не ‘мбæстæгтæ тох кæнынц фашистты ныхмæ", - бахахх кодта президент.
Президент мæлæтæй фæстæмæ схорзæхджын кодта Джиоты Мараты майданæй "Фыдыбæстæ хъахъхъæнæгæн"
Цхинвалы фæстаг хæрзбон загътой Джиоты Маратæн
© Пресс-служба президента РЮО
Джиоты Марат Козаты Владимиримæ фæмард Украинæйы 7 марты. Бархионты æрласын бантыст æрмæстдæр ныр.
Джиоты Маратыл цыд 34 азы.
Цхинвалы фæстаг хæрзбон загътой Джиоты Маратæн
© Пресс-служба президента РЮО