ЦХИНВАЛ, 19 авг - Sputnik. Хицауады сæрдар Джуссойты Константин кусæгон балцы фæлгæтты Ленингоры районмæ бабæрæг кодта "Высокогорная кельская пивоварня" Ленингоры поселочы, хъусын кæны министрты кабинеты пресс-службæ.
Хуссар Ирыстоны базарадон минæвар Уæрæсейы Таймураз Гогинов равдыста премьерæн продукцийы каталог, радзырдта доны уникалон миниуджыты тыххæй.
Хуссар Иры премьер бабæрæг кодта "Высокогорная кельская пивоварня" Ленингоры поселочы
© Пресс-служба Правительства РЮО
"Абон куыстуат уæрæх кæны йæ рауагъдадон гуырахст, цæуы ифтонггарзы монтаж бæгæныйы егъаудæр цехæн. Базарадон минæвар банысан кодта, завод проектон гуырахстмæ куы рахиза, уæд дæтдзæн 50 тоннæйы продукци иу суткмæ, кусджыты нымæц та схиздзæн 100 онг", - банысан кодтой пресс-службæйы.
Премьер райгондæй баззад заводæй æмæ банысан кодта, районы рауагъдадон къабазмæ инвестицитæн кæй уыдзæн æвæрццаг экономикон эффект.
Проект "Высокогорная кельская пивоварня"-йы хъæппæрис бахаста экономикон райрæзты министрад æмæ реализаци æрцыд 2022 азы апрелы раздæры Паддзахадон унитарон куыстуат "Алутон"-ы базæйыл. Куыстуат нывæнды уадзын бæгæны, лимонад, минералон æмæ нуазыны доны дæс сортæй фылдæр.