ЦХИНВАЛ, 3 окт — Sputnik, Плиты Фатимӕ. Хуссар Ирыстоны Уӕлвӕткон уавӕрты министрады кусджытӕм къуырисӕры фӕсидтысты ӕртӕ зынгсирвӕзтмӕ, фехъусын кодтой Sputnik уагдоны радгӕсон службӕйы.
Зынгфӕдисонты къорд ныр дӕр архайы Цхинвалы микрорайон "Хурзӕрин"-мӕ хӕстӕг ссыгъд ахуыссын кӕныныл.
"Знауыры районы Чъимасы хъӕуы та кӕрдӕджы ссыгъд ӕввахс бацыд цӕрӕнуӕттӕм, фӕлӕ зынгфӕдисонтӕ аиуварс кодтой афоныл проблемӕ", - загъта радгӕсон.
Уӕлвӕткон министрады бафтыдтой, къуырисӕры ма иу зынгсирвӕзт та кӕй ахуыссын кодтой столицӕйы ЦАРЗ-ы микрорайоны, раздӕры фыдызгъӕлы заводы цур.