ЦХИНВАЛ, 25 окт — Sputnik. Цæгат Ирыстоны Мæздæджы ацыд фæсивæдон форум "Бæрæнацион Ирыстон". Йæ хайадисджытæ уыдысты Мæздæджы скъолаты хистæркъласонтæ, афтæ ма делегаци Ставрополы крайæ. Уый тыххæй хъусын кæны ПТРК "Алани".
Инструкторты хуызы ралæууыдысты психологтæ, актертæ, æхсæнадон организациты минæвæрттæ. Скъоладзаутæ сахуыр сты цæттæ кæнын ралæудмæ, базыдтой, куыд хъæуы сбæрæг кæнын фейк æмæ цæмæн у ахсджиаг сгарын алы информаци дæр.
Æфсæддон службæйы ветерантæ диалогы форматы æрдзырдтой фæсивæдимæ бæстæ æмæ дунейы уавæрыл. Тренингтыл фæсивæд райста практикон зоонындзинæдтæ, кæцытæй фидæны спайда кæндзысты.
Форумы фæлгæтты ма нывæндынц равдисын документалон киноныв "Летопись темного леса" бирæнационалон Мæздæджы историйы тыххæй.