ЦХИНВАЛ, 15 ноя — Sputnik, Плиты Фатимӕ. Хуссар Ирыстоны столицӕйы микрорайон "Цӕгаттаг"-мӕ хӕстӕг ног азы æрæвналдзысты цыппар ног бирӕфатерон хӕдзары арӕзтадмӕ, фехъусын кодта Цхинвалы мэр Къацты Гено.
Дыццӕджы горӕты хистӕр ссис Мыхуыр ӕмӕ информацийы комитеты уазӕг, цы ран сдзуапп кодта журналистты фарстытыл.
"Мӕскуыйӕ нӕм бахатыд егъау амайæг, ӕз рахицӕн кодтон зӕххы фадыг хӕдзӕртты арӕзтадӕн",- загъта мэр.
Йӕ ныхӕстӕм гӕсгӕ арӕзтад райдайдзӕн 2023 азы.
мэр
© Sputnik / Natalia Airiyan
"Арӕзтадӕн зӕххы фадыг хицӕн ӕрцыд микрорайон "Цӕгаттаг"-ы хуссарварсы",- бахахх кодта уый.
Цхинвалы мэр ма бафтыдта, аразӕг алкӕцы корпусӕй дӕр иу фатер кæй балӕвар кӕндзӕн горӕтӕн, аннӕтӕ цӕудзысты уӕй. Нывæсты ис саразын ипотекӕ дӕр.