ЦХИНВАЛ, 13 дек – Sputnik. Дзæуджыхъæуы нывæндынц саразын базарадон центр, кæцыйы фæзуат уыдзæн 25 мин квадратон метры. Проект хорзыл банымадтой инвестициты фæдыл Советы рабадтыл, хъусын кæны Цæгат Ирыстоны сæргълæууæг æмæ хицауады пресс-службæ.
Инвестицион проект бавдыста компани "Перспективные технологии"-йы разамонæг Хъараты Анзор.
Базарадон центры уæй кæндзысты арæзтадон-цалцæггæнæн базайрæгтæ. Проекты нывæндынц бавæрын 1,4 миллиард сомы бæрц.
Фидæны базарадон-ирхæфсæн центрæн арæзт æрцыд оригиналон архитектурон концепци æмæ нырыккой дизайн.