ЦХИНВАЛ, 16 дек – Sputnik, Дзæгъиаты Олег. Майрæмбоны райсом Уæрæсейы минæварады бæстыхайы Хуссар Ирыстоны ацыд УФ Культурæйы министрады майдантæй "Великий русский писатель Ф.М. Достоевский" хорзæхкæныны церемони.
Уæрæсейаг минæвар республикæйы Марат Кулахметовы къухтæй майдантæ райстой историон зонæдты кандидат, Зонад-иртасæн институты кусæг Хъуылымбегты Роберт æмæ ХИПУ уырыссаг кафедрæйы доцент Тедеты Зæлинæ.
Хуссар Иры дыууæ æмбæстагæн радтой Уæрæсейы Культурæйы министрады майдантæ
© Sputnik / Natalia Airiyan
Хъуылымбегты Роберт бузныг загъта Уæрæсейы Культурæйы министрад æмæ Марат Кулахметовы хорзæхы тыххæй.
"Достоевский, æвæццæгæн, фæдис уыдаид, куы базыдтаид, Ирыстоны йын йæ хъуыдытæ кæй размæ кæнынц, уæд", - загъта Хъуылымбегты Роберт.
Тедеты Зæлинæ дæр бузныг загъта æмæ банысан кодта "Уырыссаг æвзаг æмæ литературæйы Ассоциацийы" хайбавæрд уырыссаг культурæйы райрæзтмæ.
Хуссар Иры дыууæ æмбæстагæн радтой Уæрæсейы Культурæйы министрады майдантæ
© Sputnik / Natalia Airiyan